أحدث النكت المغربية

واحد الساط شابع عياقة كان دايز من حدا عيادة ديال شي طبيب عاد حل هوا يقرا فواحد لافيش (علاج جميع الأمراض ب5000 درهم و إذا لم نعالجك نعيد لك مالك مضاعفا) هوا يطمع. قال معا راسو مايمكنش هادا كاع جن لهاد الدرجة ولله تاندخل أو نشوف شنو القالب أو نيت ندبر مصيريف .

المهم دخل خلص 5000 درهم فالاستقبال أو دخل عند الطبيب سولو شنو عندك قالو مشاتلي الحاسة د الشم. الطبيب عيط للممرضة: طامو جيبي القرعة رقم 23. جابتهلو أو عطاها لصاحبنا شمها أو قال خخخخخخخ خانزة!! ... قالو الطبيب نوض على سلامتك هانتا بريتي...

صاحبنا ماتسرطاتلوش قال ولله تا نرجع عندو. المهم دبر ف5000 درهم عاوتاني أو رجع عندو خلص كالعادة أو دخلو قالو مالك عاوتاني!!!

قالو طحت على راسي أو فقدت الذاكرة... الطبيب عيط للممرضة: طامو القرعة رقم 23 هوا ينطق صاحبنا قال هاذيك الخانزة ديال ديك المرة!!!!

قالو الطبيب إوا نوض على سلامتك...........ههههههههه

واحد صاحبنا شرا كاميو أو كتب فيه (يا ربي تحفظنا) المهم بقا خدام بيه تالواحد الهار دار حادثة خااايـبـة هوا ماطرالو والو فمرة أو الكاميو مالقاو مايجمعو فيه....

مشا شرا كاميو آخر كتب فيهياربي تحفظ الكاميو أو مولاه)